ራዕይ

በሀገር ውስጥና በአለም አቀፍ ንግድ ሥርዓት ውስጥ በ2017 መጨረሻ ተመራጭ የንግድ ተቋም ሆኖ መገኘት

ተልዕኮ

የተመረጡ የግብርና እና ኢንዱስትሪ ምርቶች እንደዚሁም መሠረታዊ ፍጆታ ሸቀጦች ከሀገር ውስጥ እና ከውጭ በመግዛት የሀገር ውስጥ ገበያን ማረጋጋት፤ ለአርሶ አደሩና ለአምራቹ ምርት የገበያ ዕድል መፍጠር፤ የግብርና ምርቶች ለአለም አቀፍ ገበያ በማቅረብ የውጭ ምንዛሪ ማስገኘት፤ በሀገራችን ዘመናዊ፣ ቀልጣፍ እና ውጤታማ የሆነ ኃላፊነት ያለው የንግድ ስርዓት ላይ አርአያ መሆን

ኮርፖሬሽኑ የተቋቋመባቸው ዓላማዎች

  • የተመረጡ የግብርናና የኢንዱስትሪ ምርቶችንና፣ መሠረታዊ ሸቀጦችን ከአገር ውስጥ እና ከውጭ አገር በተወዳዳሪ ዋጋ ገዝቶ በማሰራጨት የአገር ውስጥ ገበያን ማረጋጋት፤
  • ሰብል፣ አትክልት እና ፍራፍሬ በተመረጠ አኳኋን ማስመረት፣ መግዛትና ማሰራጨት፤ ክምችት መያዝ፣ ለሀገር ውስጥና ለውጪ ገበያ ማቅረብ፤
  • በወቅታዊ የገበያ መረጃ ላይ ተመስርቶ የሀገር ውስጥና የውጪ ሀገር ግዢዎችን መፈፀም፣ መሸጥ፤
  • የአርሶ አደሩ የማምረት ፍላጎት እንዲያድግ ለግብርና ምርቶች አስተማማኝ ገበያ እንዲፈጠር እገዛ ማድረግ፤
  • ዘመናዊ፣ ቀልጣፋ፣ ውጤታማና ኃላፊነት እና ተጠያቂነት የሰፈነበት የግብይት አሠራር መዘርጋትና መፈፀም፤
  • ለሥራው የሚፈለገውን የሰለጠነ የሰው ኃይል በሚፈለገው ዓይነት፣ መጠንና ጥራት ለማፍራት እንዲቻል ከሚመለከታቸው የምርምር፣ የትምህርትና የስልጠና ተቋማት ጋር መተባበር፤
  • የሀገር ውስጥና ዓለም አቀፍ ግዢዎችን በሚመለከት የምክር አገልግሎት መስጠት፣ የውክልና ግዢ መፈፀምና ሥልጠና መስጠት፤
  • የገንዘብና የኢኮኖሚ ትብብር ሚኒስቴር በሚያወጣው መመሪያ መሠረት ቦንድ የመሸጥ፣ የመግዛት፣ በዋስትና የማስያዝ፤ ከሀገር ውስጥና ከውጭ የገንዘብ ምንጮች ጋር የብድር ውል መደራደርና ሲፈቀድም ተግባራዊ ማድረግ፤
  • ከተቆጣጣሪው ባለስልጣን በሚሰጠው አቅጣጫ ላይ በመመሥረት በሀገር ውስጥና በውጭ ሀገራት ተወዳዳሪና አትራፊ ሆኖ እንዲንቀሳቀስ እገዛ የሚያደርጉለትን የሰው ኃብት፣ የፋይናንስ፣ የቴክኖሎጂና የዘመናዊ ሥራ አመራር ግብዓቶችን ለማግኘት የሚያስችለው ኢንቨስትመንት መሳብም ሆነ በኢንቨስትመንት ላይ መሳተፍን ጨምሮ ጥናት በማካሄድ ሲፈቀድ ተግባራዊ ማድረግ፤
  • ዓላማውን ከግብ ለማድረስ የሚረዱ ሌሎች ተዛማጅ ተግባሮችን መፈጸም፡፡