Kaizen01.jpg

በኮርፖሬሽኑ ዋና መስሪያ ቤትና በአራቱም ዘርፎች የካይዘን እጩ አማካሪዎች የትግበራ ግምገማ ግንቦት 9/2014 ዓ.ም ተካሄደ፡፡ የግምገማ መድረኩን የመሩት አቶ ትእዛዙ ኃ/ ጊዮርጊስ የኮርፖሬት አሰራር ዘዴና የአገልግሎት ማሻሻያ ዳይሬክቶሬት ዳይሬክተር እና አቶ አወል ካሳው በካይዘን ኢንስቲቲዩት የሎጀስቲክስ ዳይሬክቶሬት ዳይሬክተር ናቸው፡፡

የካይዘን ትግበራ በአራቱም ዘርፎችና በዋና መ/ቤት ያለበትን ደረጃ አስመልክቶ የሚመለከታቸው ባለሙያዎች (ፎካል ፐርሰንስ) ገለጻ አድርገዋል፡፡ በአትክልትና ፍራፍሬ ንግድ ስራ ዘርፍ ከካይዘን ትግበራ ጋር በተያያዘ ሁለት ፕሮጀክቶችን (የብልሽት ቅነሳ ስትራቴጂ እና የስራ አካባቢን ምቹ ማድረግ) እየተገበሩ መሆኑ ተመልክቷል፡፡ ለብልሽት ቅነሳ የሚሆኑ መፍትሄዎችን በመለየት ወደ ስራ መግባታቸውን የካይዘን ተጠሪ (ፎካል ፐርሰን) የሆኑት አቶ ዘካሪያስ ተናግረዋል፡፡ አያይዘውም በስራ ግቢ ውስጥ ወድቀው የተገኙ የተለያዩ ማቴሪያሎች ወደ አንድ ቦታ በማከማቸት የተገኘውን ክፍት ቦታ መጋዘን እንዲሰራበት መደረጉን እንዲሁም ንብረት በማስወገድ 900ሺ ብር ገቢ ማግኘታቸውን ገልጸዋል፡፡

በእህልና ቡና ንግድ ስራ ዘርፍ በተመሳሳይ የካይዘን ትግበራው በጥሩ ሁኔታ ላይ እንደሆነ የተገለጸ ሲሆን ለእህል ማደራጃና ማከማቻ ሰራተኞች ስልጠና መሰጠቱ ተጠቁሟል፡፡ ንብረት በማስወገድ ገቢ ማግኘታቸው ተገልጿል፡፡ በዋና መ/ቤት ደግሞ ከማዕድን ሚኒስቴርና ከኢትዮጵያ ኮንስትራክሽን ስራዎች ኮርፖሬሽን የልምድ ልውውጥ መደረጉና ጠቃሚ ተሞክሮዎች መገኘታቸውና መቀመራቸው ተጠቅሷል፡፡ በተመሳሳይ በሌሎችም ዘርፎች ከካይዘን ትግበራ አኳያ የተሰሩ ስራዎችና የተገኙ ገቢዎች በዝርዝር ቀርበው ውይይት ተካሂዶባቸዋል፡፡

አመራሩ የካይዘን ትግበራን ለመተግበርና ለመደገፍ ቁርጠኛ መሆኑ እና ካይዘንን ለመተግበር ምንም ኣይነት የበጀት ችግር አለመኖሩ በጥንካሬ፤ ወጥ የግንኙነትና የውይይት ጊዜ አለመኖር እና በሙሉ አቅም አለመስራት እንደ ክፍተት ከተነሱት ዋንኞቹ ናቸው፡፡ በተነሱ ጉዳዮች ላይ አስተያየትና ማብራሪያ የተሰጠ ሲሆን ቀጣይ የስራ አቅጣጫዎችም ተቀምጠዋል፡፡ በተለይም የድጋፍና ክትትል አግባቡ ተጠናክሮ መቀጠል እንዳለበት ተመልክቷል፡፡